..........
|
خطآ .. خطآ .. ماهو كذا .. تلعب ( الصد ) !
تبـي تعـرف الصـد وشلـون ؟! شفنـي |
أنا أببعـد .. واختفي ../ وإبــدأ الـعـد
واحسب .. الين آمـوت .. ويحيـن دفنـي |
..........
|
في فلسفه رؤوس ألأموال .. ( حُـبيـن ) !
موت الغلا ماهو مّهم , بس يعيشون .! |
وفي فلسفه الفقرآء .. ( شئينْ ) ,
أما يعيشون الغلا , أو يموتون !! |
أنفيك من واقعي ! تطلع مع أحلامي ؟
ياتقتنع بـ الزمن يا تقتنع فيني |
يعني وهم ؟ عاد أنا تعجبني أوهامي
مرات أشوفك .. قبل لا تلمحك عيني |
كم كنت - غير البشّر ، في وقفتي .. والمسير
يوم أغلب الناس فـالصعبات .. ما وقّفو |
يا ليت ما أعرّف : آحنّ / أشتاق / أوله / أغير
ما كان : حزن وهموم وضيق ، فيني لفو |
أتعب على أشيا كثير .. وأكتشف بـالأخير :-
إنّ اللي أتعب لها ، أشياء ( ما هي كفو ) ! |
" الحرية لا يمكن أن تعطى على جرعات..
فالمرء إما أن يكون حراً..أو .. لا يكون..! " |
|
يحكيني الجاهـل و { أجنّـب } عـن الـردْ
. . . . مـاهـو بـخــوف / الا تـوقـّي / السـلامـة |
مـتـأكـد حـقــي { بـيـاصـل } لــــي بـغــــدْ
. . . . من دون ما / آنزل مقامـي / لـمقامـه |
وشـو لـه افـزع { للاقاويـل } و احـتـد .. !
. . . . يكـفـي / اواجـــه / هالـجـهـل بابتـسـامـه |
لو كنت انوي الرد .. { ما عاقنـي } رد
. . . . لــكـــنّ فــكـــري / فــــــارضٍ / احــتــرامــه |
مابي مع { اهل الجهْل } في يـوم انعـد
. . . . مــا دام نـهـجـي / لـلـعُـلا / و الفـخـامـة |
هـــذا اذا مـــر بطـريـقـي { مَـهــــو } نــــد
. . . . حتـى ولــو / اطـلـق بظـهـري / سهـامـه |
و يعني ليا منه { تعدّى } عن الحد .. ؟!
. . . . ( مـن بيننـا ميقـاف يـوم القيامـه ) |
إي والله إن الغـلآ , مأثـرٍ فيـنـي
........بآلذآت لآ شفت نكك بـ ( أسفل ) الصفحه ! |
يخسى الزمـان يجيب طاري .. بعـادك
وطاري المفارق .. ماهو ب عند خشمـه |
في خافقي ( قدرك ) وف العين ( عادٌك )
حب / وغلا / واشواق / طيبه / وحشمـه |
احيان ..،
احسك صدق ( تشتاق وتحب ) واحيان احسك تجهل الحب كله ..! |
ياللي تبّضع من جروحي .. وتتسوّق ! إنصت لـ بيتي هذا .. وخلك معي ( رايق ) , مابيك تضحك معي لاشفتني .. مروّق ؟ أبيك تبكي معي ؟ .. لا شفتنـي " ضايق " ! |
أخطيت في حق نفسي . واندثر : عذري .!
ماعاد لي نفس حتى اللي / تمنيته .!! عفوا . على الجرح لا داعي على : شكري .! ولو يرجع الوقت نفس الجرح / حطيته .!! لاتنشديني ، عن اللي ضاع في : عمري .! ماني بـ : نادم على كل شي / سويته .!! |
ظنيت ( ترسل ) بس .. شفتكـ تأخرت
ۆ { القــلب } عيّا .. مٱ تـحـمّل غيابگ ** مجبؤر ( أسامح ) لو ،، أشوفكـ تغيّرت و ان جيتني تصيح أصرخ "هلا بگ" ** رد ( الجواب ) وحاكني وش قررت !! نرجع سوى ..! أو ( تستمر ) فـ غيابگ ؟ |
تبـي تعـرف :- شلـون نهـج التـطـرف ؟ شف حالة الأشواق ( بينك , وبيني ) ! هذا .. وأنا معطيك حق :- التصرف .! حطمـت لـيّ قلبـي وبكـيـت ( عيـنـي ) .! |
تعال أحتاج (أسولفلك) عن الأيام وأشكيلك ..
وأفض غيم الحزن وأنثر حنين الشوق بقبالك .. تعال وحط في قلبي هموم الفرقى وأشيلك .. لأن القلب ماهو قلب إذا في نبضه ما شالك .. وقف (دمعي) من عيوني أبي من عينك أبكيلك .. أخاف أبكي من عيوني وأبعثر جية وصالك .. |
جيتك بعد هالغياب المُرّ .. وإعذرني ،
بس كان عندي كلامٍ ، ودّي - أقوله : |
( تغُيّر المُجتمع ) هو اللي - غيّرني ،
من الفقير ، لـ غنيّه ، لين .. مسؤوله |
كم شيّ شفته بهالوقت ، ومحيّرني ،
( يموت واجد ) ! ولكن عاشت الدوله |
( ويموت واحد ) وموته ماهو إيضرّني ،
تشوف بانْهم من آخر شيّ ، تعنّوله |
( 23 ) / مرّت بي ... وأصبّرني ،
على شنو ؟ والعمّر ، لحضات مجهوله |
في داخلي شيّ يصرخ ، لين ذكّرني ،
وشلون أنساه ، يا نسيان - معقوله ؟ |
شكراً لـ أبوي اللي ربّاني وكبّرني ،
علّمني ما أنجرف بالكون ، وسيوله |
إن ضقت ؟ ما فيه أحد غيره ، يدبّرني
المشكله في وجوده ؟ يعني : محلوله |
يغيب عني ، وإذا إحتجته - إيمرني
يوله عليه الخفوق ( وكيف ما يوله ) ؟ |
أنا أذكر إنه وانا جاهل ، يشبّرني ،
يا جعلني فدوة ، إيدينه .. مع زوله |
من بعد ما كان لـ الصعبّه ، يعبّرني
اليوم معْ كل خطوه ، تشكي رجوله |
الساعة الآن 12:33 AM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون