ياشبيه المهرة اللي نادره ولا تباع=في سطبل الحاكم ابن سعودويّ مدلعه
عمّد السايس يرعيها بلطفٍ ما استطاع=وهي تدلع جلّ من صوّر جمالك وابدعه
حارة عيوني بعدشوفت محاجرك الوساع=ياسواد العين يارمشً فتن في برقعه
لا مشيتي صوت رجلينك كما صوت الإيقاع=مقبله او مدبره يالبى جسمك ما اروعه
يالجمال اليوسفي ياشبعة عيون الجياع=ياروى من لو شرب نهرين ماءها ما اشبعه
يالهف من ضاقت بعينه وسيعات البقاع=لو لمح حسنك ياذا الضيقه تعود له سعه
يامرام اللي شكا فالبين لوعه والتياع=لاحصل قربك نسى حرّ الفراق ومرتعه
قولي لامك تحفظك فالبيت قدر المستطاع=حاطتك عين الولي يالله بعينك تصنعه