محاربة الاتجار بالدماء
محاربة الاتجار بالدماء
هلا بالشيوخ اللي تعلو على القمه=هلا يامسطرت الوفا الحاضر الماضي شيوخ القبائل للقبائل هي اليمّه=حزامٍ معبى بالفشق وقت الاقضاضي سعيتو وما زلتو تشيدون باللمّه=على نهج من نهجه على غيره القاضي هلا يابن مران الدواسر هل العمّه=بروق الجزاله في سماكم لها ناضي خطابٍ قريته قد حوا عالي الهمه=دواء للسموم اللي زفرها بنا فاضي سببها ضعوفٍ باعو الدين والذمّه=وسلوم العرب هلّو عليها بالانقاضي تجرّو على من هو رحل غارق بدمه =سماسر ردا ونجوس مافيهم الواظي تجلل حداهم بشت مبتور في كمّه =منهو يشوفه يحسبنّ حاضرته قاضي خفافيش ليل تدور الوسخ وتلمه=ولا راعة سلوم العرب فالتمركاضي والا ياشيوخٍ تعقد الامر وتمّه=دعاكم خطاب الدوسري للتنهاضي نبي وقفةٍ تمنع ردي النبأ الجمه=وعلمٍ يلم الشمل مابه ترياضي ونجوم السماء متكالمه تجلي الغمّه=وحذارا سحابٍ يمنع النجم لاياضي وسلمان ماتمم هل الطايله تمه=لحيثه زعيم المملكه بالتنهاضي على شعبه عيونه وماغمهم غمه=عوضنا عسانا نموت ولا فيه نعتاضي وعضدينه حصونٍ تناضل عن الامه=ينابيع خيرٍ خيرها للورا فاضي وعلى نفعة العربان تسعى ومهتمه=غدة دولة التوحيد بساتين ورياضي ومن هو تجرّا واتجر في بني عمه=خسيس وكبيرٍ يمشي بخسته راضي بقلمي . |
الساعة الآن 08:46 AM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون