منتديات احبابي ، منتدى احبابي ، أحبابي

منتديات احبابي ، منتدى احبابي ، أحبابي (https://www.a7babi.com/index.php)
-   القصائد المنقوله (https://www.a7babi.com/forumdisplay.php?f=45)
-   -   قصيده مختاره (https://www.a7babi.com/showthread.php?t=1083)

بركان نجد 11-19-2012 11:22 AM

قصيده مختاره
 
يا ضلع جعل الغيث يسقيك نوه=من مزنة غرا مطرها رهاوه
ضلع اذا زاد الدهر زاد قوه =ما جاه من طول الليالي رخاوه
ضلع اذا سقت القدم في علوه =جلست لي في مجلس له طراوه
عقب البطى شوفة فياضه وجوه=يبعد عن القلب الشقي الشقاوه
بيني وبينه خوة وأي خوه=خوة قسى ما هيب خوة فضاوه
اليا انزعجت من الزمان المشوه=لقيت في عالي نباه الهداوه
وان بار فالرفقه قليل المروه=في ثمته شفت الوفا والحفاوه
صديت به يوم الدهر زاد سوه=وعن عالمه قطع العلاقه نجاوه
ناس على الهفوات فيهم جروه=تركض لجمع المال ركض الفلاوه
نظراتهم للمال كثره وشوه =المال مقياس الغلا والعداوه
رجل بليا مال كل عدوه =وراعي الكنوز الطايله فالنباوه
والمال كم شيخ من الناس بوه =لو كان ما يسوى من القدر ماوه
والقل كم لوى مذارع فتوه =وهو من هل الردات واهل الصخاوه
يضحك على الطيب ردي الربوه =طيور شلوى بيدتها الصعاوه
من الحسد قام يحذف ويتقوه=وبيته لصلفات الهبايب مفاوه
ناس مشو على الطريق المشوه=صلى بهم من لا يعرف التلاوه
ممشى الفتى في خايم سال توه=قفر عليه من الحباري حراوه
يبعد عن الانذال ويشب ضوه=ويحط منزاله براس العلاوه
يبرد بها صدره ويرفع سموه=ويشوف للدنيا طراه وحلاوه


الشاعر : خالد بن مدعث الدوسري

بركان نجد 12-03-2012 01:25 PM

رد: قصيده مختاره
 
مشكور أبو نايف بيض الله وجهك

المجروح 12-07-2012 01:23 PM

رد: قصيده مختاره
 
اشكرك اخوي بركان نجد على المشاركه

خديجة محسن 11-21-2017 06:58 PM

رد: قصيده مختاره
 
يسلموووووووووووووووووووو رائع جداااا


الساعة الآن 01:55 PM بتوقيت مسقط

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
HêĽм √ 3.1 BY: ! ωαнαм ! © 2010
استضافه تعاون

vEhdaa 1.1 by NLP ©2009