![]() |
واهني الصخره اللي مايحرقها سموم
قصيده من أجمل قصائد الشاعر / سلطان الهاجري أخترتها لكم واهني الصخره اللـي مايحرقهـا سمـوم الزمـان اللـي يهـد الـعـزم ماهـدهـا الزمـان اللـي تحـدا قوييـن الـعـزوم ليـن مشاهـا علـى ود ماهـو ودهــا والمجامل بعض الأحيان مايقضـى لـزوم لابـو النفـس الضعيفـه لابـو جـدهـا مير تجبرنـا العوايـد وتجبرنـا السلـوم نكتـم الاسـرار ياليـن تاصـل حـدهـا الردي لاطـاح جعلـه يطيـح ولا يقـوم بـاح سـده والنشامـا مابيحت سدهـا كل ماكبرت وضاقت على عيـال الرخـوم نحتـزم لاكبـر مصيبـه وناطـا خـدهـا جعل قسمي عند ربي من خيـار القسـوم واحـدٍ يعطـي العطـايـا ولا يرتـدهـا ياعيـال آدم وحـوّا تـراهـا مـاتـدوم دورة الايـــام لابـدهــا لا بـدهــا ياوليـد البـط وشلـون مااتقـدر تعـوم وانت أبوك يعوم جـزر البحـور ومدهـا وانت ياحلمٍ حلمتـه مهـو مثـل الحلـوم ياضحيّـة مـزح الاحـلام مـدرى جدهـا ادرى ان فالناس معطى وفالناس محـروم ايـه يابيـض النوايـا ويـا مسـودّهـا ويا ضميري لا يهمك مـن الدنيـا همـوم الصعيبـه حلّـهـا والبسيـطـه عـدهـا جات في سد الشواااارب وفي سد الخشووم كبر الضيفـه وعـش الضيـوف وغدهـا والمراجـل ماتوفـي بضاافيـة الهـدووم كـود بسيـوف يشـوق النواظـر حدهـا والردي لو يدرس المرجله فـي كـل يـوم المراجـل عنـد اهلهـا يذعـذع نـدهـا يعتبر قسمه مثـل قسـم زاهيـة الرقـوم يـوم تكحـل رمشهـا والقـرون تكدهـا ماكسبت الا رضا اهل النمايـم والعلـووم يارسـول الحكـي هـات العلـوم وودّهـا الصفوف اثنيـن هـذا دفـاع وذا هجـوم وانت اظنك لانت معها ولا انـت بضدهـا شرهة الطيب تعـدااااك للغـوج العـزوم وانت صلفات المشاريـه ماإنـت بقدهـا وانت في سود الأظلـه تريّـح ومخـدوم وإن ذبحـك الجـوع كـد التكاسـي كـدها --------------- كل التحايا :) |
ابوفارس جزل واختيار موفق ورايع جدا
الهاجري شاعر كبير وانت كبير الي اخترت لنا هذي النادره من نوادر الهاجري تحياتي لك |
صح لسانك ولاهنت
موفق ب***ك |
ابن شداد ــ غلاهم هلابكم وبتشريفكم هنا وشرفتني ردودكم حياكم الله |
. . . واعجباهـ اتانا الوزن الثقيل الشاعر المتمكن / سلطان الهاجري صح اللسانهـ مافيه كلام البحر العميق ابو فارس يابعد حيي تسلم ويسلم ذوقكـ الشعري على انتقاءكـ لهذهـ القصيدهـ دمت ودام نشاطكـ |
هلا وغلا بالحر القطامي أسعدتني بتواجدك هنا وتسلم على ثناءك أنتظرني بكل مايسعد قلوبكم جميعا تحياتي |
قصيده رائعه بروعة حضورك’ وإنتقاءك لقلبك كل السعاده.، |
رد: واهني الصخره اللي مايحرقها سموم
أبو فارس تقبل مروري ولك الشكر على طرح هذه الابيات صح لسان الشاعر سلطان الهاجري تحياتي |
رد: واهني الصخره اللي مايحرقها سموم
تحياتي يا زملائي اللاعبين! انغمس في عالم online-casinos المثير من خلال مدونة الكازينو الثاقبة هذه. سواء كنت لاعبًا مبتدئًا أو متمرسًا، توفر هذه المنصة رؤى قيمة ومساحة مجتمعية لعشاق الكازينو عبر الإنترنت. انضم إلي في مغامرة الكازينوهات على الإنترنت ودعنا نرفع مستوى تجربة اللعب لدينا معًا!
|
الساعة الآن 05:37 PM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون