يقدح قصيدي والقوافي لواهيـب=طبخة معانـي كلهـا شاعريـة
صبيتهـا وارسلتهـا بالمكاتيـب=صوبك يابو مشعل ولاهي وفيـة
رستني افكاري بحق المواجيـب=وافكار في شرواه يارجال حيـه
رجال مابه لا ردى ولا عذاريب=وعزوم مرجلته عزومـن قويـه
ذكره ليامن شاع بين الاجانيـب=مواقفه بالطيـب ماهـي خفيـه
وكلي فخر بأني بناخيه وقريـب=عمي ونادر تلقى بالنـاس زيـه
الطيب له منهج وهو منهج الطيب=ياحر يطمع في صعـود العليـه
والحر منزاله بروس المراقيـب=ولو ضامته دنياه ماجـا الدنيـه
اقولها واقوالي ماعابهـا عيـب=وجه السعد سعـد نـادر حليـه
وختامها مابي معون ومطاليـب=ماجاه مني..هذا ماطـاب ليـه