زد قالها العربان والشاهد حضر=من لا يغبّر شاربه مادسمه
ومن لايسج الرجل مع بدو وحضر=عشاء ظيوفه بالمرق ما ودمه
ومن يعشق العليا شبوحه للقمر=يم السماء لو كان بالقاع قدمه
يموت طافي الضوى ماجابه سطر=وطبعه يعري فالمواقف محزمه
ياجعل مثله فدوه لراعي الظفر=اللي قليل من النشام تدحمه
اقصد من بفعله على غيره ظهر=سلطان فعله فالمواقف يدعمه
ساطي على الجزلات يغرف من بحر=ماينثني لو كان وقته ما رحمه
الغضوري ضاري عليها من صغر=اخليف من صغره على الطيب فطمه
اما مثل سلطان طلعك يابدر=والا طريق الهون فعلك يممه