دنياك لاتامن رداها تراها=مثل الرفيق اللي يدور مهونتك
لو كان يضحك لك عيونه عماها=شوفك ومدحك في غيابك وحضرتك
اليا سمعله هرجة ماتباها=ظليمة مادونت في سجلتك
بنا عليها كبرها وامتطاها=وبين المجالس قام ينشر ظليمتك
في باله ان اللي بغاها لقاها=نجس يدور بالنجاسه فضيحتك
وليا سمع عنك الفضيله نساها=لنه ايدور بالرديه هزيعتك
مظاهره لاتنخدع في صفاها=خلك حريص وحذر وحفض كرامتك
ونياتك البيضا تحفض علاها=ماكل صاحب نيته مثل نيتك
واسرار قلبك خلها في خباها=لايكشف اسرارك صحيبك وزوجتك
والناس عاملها حسب مستواها=عاين فصابع يدك ورسم مسيرتك
ون شفتها عوجا طويلن رشاها=ومشروبها ديجور صدر مطيتك
الله خلق دنيا وسيع فضاها=ماضاق فج الكون من ضيق حيلتك
ثلاث لاتقرب اضعونك حماها=الكذب والغيبه وبهتان جارتك
والرابعه عض النواجد علاها=شيمه هل المعروف هي راس شيمتك
ومخافة المعبود جود عراها=تراك تلقا في عراها سعادتك
واحذر من الدنيا وضحكة جماها=وحسب حسابك قبل تدفن جنازتك
هاذي وصات اللي طبخها وشواها=وانت المخير في حياتك وسيرتك