#1
|
|||||||||
|
|||||||||
في بعد خلي
البارحه قلبي يعاتب وريده=قلبي على فرقى خليله يملي
ارقب نجوم الليل ياهي عديده=ودموع عيني فوق خدي تهلي انا اشهد انك ياغلايه فقيده=ممروج انا بعدك ولا لي مسلي عرفت قدرك يوم روحك بعيده=عرفت حبك يابعد كل من لي في غيبتك حالت علي النكيده=اقسم بربي ضايقن بي محلي من وين ماوجه دروبي سديده=طيفك يجاريني مجاراة ظلي عذال قلبي في سواتي نقيده=لكن وشلي بالعواذيل وش لي همي وغمي ليل حزنه يعيده=من كثر ماعاده ليا اقبل اهلي واجهز ادلالي وادب القصيده=عنوانها مكتوب ( في بعد خلي ) خل اختفى والنار جوفي وقيده=مدري خفاه اضروف ولا تغلي من عادته يرسل وينشد وديده=عن حالته وبكل وقتن يطلي واليوم يحسبني بحاله سعيده=مايدري إن الحال عايش بغلي ياخلي طعنات الهوا بي شديده=ياكيف ابسلى وانا مالي مسلي وهذي رساله كان تبغى الوكيده=لاتفتكر في يوم حبك يقلي وارحل وهاجر لك برحله مديده=الطير مهما طار ماهو متعلي لاحام حام اشوي وارخى لديده=بيباسة الاغصان يبغى يحلي وختامها يانبض قلبي ووريده=هذا دعائي كل ماجيت اصلي اسئل ولي الكون عالم عبيده=يجعل حياتك بالفرح لك تهلي |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|