حفل ابن عمي نواف بن خليل الصقري

بدعت ولاني بشاعر ولكن قصدي التجديد=بشارك ربعي الفرحه مع نواف واغني
وبارحب بسم ابونايف ابن من عاشها صنديد=ودحم الايام بعضود المراجل لين طاعني
هلا بسمه وانا بكفيه بالترحيب والترديد=هلا والله عدد لا والله اللي مايحدني
كما الودان جيتكم لنا واليوم يوم العيد=هلا باللي من دياره حضر للحفل متعني
هلا ياللي من هنيا حضرتو والغلا بيزيد =هلا والكل في تشريفكم للحفل متمني
هلا ونقول يانواف جعلك فالحياه سعيد=يظنون العرب طيبك وانا من فوقهم ظني
الا ياجعل خطواتك وماسويت بالتأييد =وياجعلك بدنياك يالمطنوخ متهني
هنيالك خذيت المهره اللي من سلايل عيد=على خالد وفيّ الطبع ارد القول واثني
وانا من بعد ذا بقول قولٍ حقه التأكيد=عليك بخالق الثقلين من انسً ومن جني
عظيمً اوجب بوحيه علينا خالص التوحيد=على هدي النبي محمد وماعلّم وما سني
تراك بعزه وطنخه مادامك قاضبن للسّيد=ولسلوم العرب مدي ماهو ياكيف ماجني
وراع بشبحك الجزله بدربك وانت ابوماتريد=وخلك من ظعيف الراي رد القول ذا عني
وخلك مثل عوصان النجايب يقطعن البيد=يشيل الحمل واحدهن ولاقهقر ولا وحنّي
بنطوي صفحة الايام ولايبقى سوا التمجيد=لمن قدم بدارينه جزيلاتن يسرني
ودورات الليالي تظهر الرجال والعربيد=ونجوم الليل لابان القمر فالحال يسرني
وطيرن مابخصته لاتهقوا به مع أهل الصيد=يشيب الرجل وكبار الهقاوي مايشيبني
ومادام الرزق عند الله ولاهو بحلتك يازيد=اجل باعيش في طنخه وياكني وياكني
نعيش بحقبةٍ فيها تسيد من حرام يسيد=ياكم حيً عليه فعوله الشينه ينوحني
كبير الهمه يقرب عظيماتن مداها بعيد=وطا ياليت في دربه ولو اني ولو اني
يعانق في طموحه قمة الاهرام بالتشييد=عرف بن الهروج البارده ماهنّ يِروني
ابه رجلٍ يهده حيد ورجلٍ هو يهد الحيد=وسلاح إبلا ذخيره فالمواقف مايفيدني
وختمه ماني بشاعر ولكن قصدي التجديد=بشارك ربعي الفرحه مع نواف واغني

ابراهيم بن شداد
الصقري

.