تراي مطني عند حقي جزوعي

السلام عليكك ورحمه الله وبركاته
قال احد الشعراء من قبيله حرب في قصيده يمدح به نفسه ومن ضمنها هذا الشطر :
تراي مطني عند حقي جزوعي
فرد عليه ابن معيتق بهذه القصيده وذكر ان مطني هو الشيخ مطني الشريم احد شيوخ قبيلة شمر العريقه وقال اذا كنت جزاع لحقك ياليت تاخذ حقك من مخلف الحربي .

كان انت مطني عند حقك جزوعي=ارين حقك عند مخلـف و هاتـه
امك ضربها واحـد بالضلوعـي=راحت خريشٍ مارجن من هواتـه
خسرة وخاب الي شراله دفوعـي=مـداح قـوم سالبيـن عبـاتـه
ماله جدا يا كود هـل الدموعـي=كان انت مطني ريحه مـن حياتـه
مطني بن شريم حبـس الدروعـي=زبـن الحـوار ليرزمـن امهاتـه
ليا عزل الصابور وسط الجموعـي=كم واحدًٍ يرجي السعـد بلتفاتـه
وكم واحدٍ يشبعبهم عقب جوعي=بصحون من فضل الولي و بركاته
أيضاً وربعـي يالبخيـل المنوعـي=ريف الوديع اليـا تغلـى بشاتـه
ليا بركن عوص النضاء فوق كوعي=وغد انهم كلـن يـواري شواتـه
يابا الحصين الدربسي يالطقوعـي=متكحلـن للعيـد والعيـد فاتـه
يامصلي الجمعه نهـار الربوعـي=من يخبر ان البس يحسـن صلاتـه
ولانت ياذيخ السليمـي دنوعـي=ينبح وعظمه ناشبـن فـي لهاتـه
وخالك اللي بالقرايـا يسوعـي=ليا راح غيب حلته عـن خواتـه