مرحبا بكم في منتديات أحبابي كلمة الإدارة

الاهداءات
إضافة رد
#1  
قديم 11-16-2015, 08:33 PM
عضو مميز
المجروح غير متواجد حالياً
Saudi Arabia     Male
SMS ~ [ + ]
(مساء الخير)
يامن تشغل التفكير صبح وليل٠٠
(مساء الورد)
ياورد تفتح في شراييني٠٠
لوني المفضل Darkmagenta
 رقم العضوية : 39
 تاريخ التسجيل : Dec 2010
 فترة الأقامة : 3274 يوم
 أخر زيارة : 11-30-2019 (09:56 AM)
 المشاركات : 480 [ + ]
 التقييم : 10
بيانات اضافيه [ + ]
B665943ea3 قصه وقصيدة محمد الدسم





قصه وقصيده


الشاعر الكبير / محمد الدسم السبيعي العنزي شاعر الحكمة والنصح :-

الشاعر الكبير / محمد الدسم، شاعر أجاد القول وأبدع فيه وكان يعيش في فترة التوترات والحروب التي كانت تسود الجزيرة العربية وشمالها من مناخات ومعارك بين القبائل والدول والأقاليم إنه الشاعر / محمد بن حسين الدسم الدوامي السبيعي العنزي شاعر الحكمة والموعظة ولد هذا الشاعر سنة 1265 هـ على وجه التقريب أو ربما قبلها بقليل، وعاش حتى أشرف على المائة عام أو تجازوها وهو شاعر مكثر وقد إندثر الكثير من شعره وحفظ بعض شعره لجودته ولم يذكر له شعر في الغزل بل أغلب قصائده في المعارك والمناخات والحكم والمواعظ ونبدأ بقصيدته المشهورة والتي هي أشهر من نار على علم والمعروفة بأم الوصايا أو يسميها البعض الشيخة وحيث أن / محمد الدسم من الشعراء الذين لهم خبرة طويلة بتجارب الحياة مما حدا به لقول هذه الارشادات ويسندها على أخيه أبو زعزوع من باب النصيحة وإسداءالخير فيقول


يا خوي لـك عنـدي وصـاة مصيبـه = خذلك وصـاة تلمـس العقـل وتصيـب
تـرى وصـاة أخـوك ما بـه معيـبـه = لا صار أخوك مكمـل العقـل ومنيـب
أخـاف أمـوت ولا ضـلال تجيـبـه = توزي لضيقـات الـدروب الضنابيـب
حيـث الليالـي مــا تعـلـم بغيـبـه = ولا يعلـم إلا صاحـب العلـم والغيـب
ودي تحـرص عـن بـلاد كـويبـه = ويصير بـك عـرف وكمـال وتأديـب
وإلا المقـدر صـار مــا ينحكيـبـه = ولا ينمحـي هـذا مـن الله مكاتـيـب
افهـم وصاتـي كـان قلبـك يصيـبـه = تطلعك مـن كـل الأمـور الحراديـب
أول وصاتـي بالـفـروض الأديـبـه = صـوم وصـلاة وعدهـم بالمواجيـب
وثانـي وصاتـي للأمـور الصعيـبـه = احرص عليهـا قبـل هـون وتصعيـب
جـر عبيلـه مـا يكـلـف طبيـبـه = ولا شـيء إلا ماضي (ن) لـه تجـاريـب
وثالـث وصاتـي تلعـة ينعـدى بــه =تلقـى عليـهـا بيـنـات المسـاريـب
واللي عدابة ذيـب مـن بطـن ذيبـه = ولا واحد عدى بهـا غيـر هـو ذيـب
ترى هذاك العـرف مـن غيـر ريبـه = راعيـه لا يطلـب ولا لـه مطالـيـب
ورابع وصاتـي كثـرة الهـرج خيبـه = هـرج بـلا معنـاه مسمـوج ويخيـب
لا صـار مـا عنـدك علـوم غريـبـه = بيـن الرجـال ترتـب الهـرج ترتيـب
وخامس وصاتي خفـة الرجـل عيبـه = من راكض الفرقان يركض لـه العيـب
لا صـار مـا تنحـر لـزوم تجيـبـه = تنحر غرضك إن كان ما جـاك وتجيـب
وسادس وصاتـي لـك معـزة وهيبـه = عليك بسفـن البـر حـرش العراقيـب
ولا يعجبـك الزبـد هـو والرويـبـه = ترغب لحوش الضـان وتخلـي النيـب
راعي الغنـم يشيـب مـن قبـل شيبـه =والبـل معـزه تجلـي الهـم والشيـب
إلى اشهلـب الوقـت لـو هـو حليبـه = يوصلـك لديـار الهنـاء والتعاجـيـب
وسابع وصاتـي كان صابتـك سيبـه = تقـدر علـى كثـر الثمـن والمطاليـب
بنـت الحمولـة والأصيـل العريـبـه = اللـي قناهـن ذاق لــذة وترغـيـب
واللـي قنـا بنـت الـردي والهليـبـه=أصبـح بهـم وجنـب الربـح تجنيـب
والعجـز يـرث لـك مذلـه وخيـبـه=أردى الرجـال اللـي يذمونـه السيـب
عليـك بالسقمـة ولـو هـي تعيـبـه=مـا دام بـك حيـل تنـط المراقـيـب
تـرى كثيـر المـال كـل (ن) حبيـبـه=ويقال له فت جاي لـو ما فعـل طيـب
وإلا قليـل الـمـال شـن (ن) ارويـبـه=لو كـان طيـب يكثـر (ن) بـه عذاريـب
وثامـن وصاتـي شرهـا ينحـري بـه=ترى الدروب الفاسـدة مـا بهـا طيـب
درب الـزنـا والعـايـزة والقريـبـه=احـذر هذيلـن مـن كبـار العذاريـب
ثنتين مـن داخـى عليهـم احكـي بـه=مداخي علـى وجهـه تعيبـه معاييـب
مداخي على عرضه مثـل شـق جيبـه=علـم يبـيـن مــن أذان الأعـاريـب
وتاسع وصاتـي عـن مناقـر شريبـه=إلى صار ما هو من وسـاع المشاريـب
خـلـه ويلـقـى بالـمـوارد لعيـبـه=عنـد الظوامـي يكثـرون الوعاعـيـب
ومـن دور العيـلات غربـل نصيـبـه=احسب حسابه مـن حسـاب المذاهيـب
ومـن جنّـب الشيطـان حقـه غديبـه=ومن هاب طبات الملاعـيب مـا هيـب
عـن واحـد يبـلاك أو تبتـلـي بــه=ينهـج حديكـم يــم دار الأجانـيـب
وعاشر وصاتي إلى صـارت مصيبـه=وبـلاك ربـك وابتلـوك المغاضـيـب
احـذر تمضـي مـا تسمـى غليـبـه=امض وتبيـن عـن إلحـاق المشاعيـب
وازبن على حصـن الرجـال الصليبـه=عـدك بعيطـا عـن سمـوم اللواهيـب
ومن غيرهـا عنـدي وصايـا عجيبـه=لا فكـر الفاهـم يصـيـب المتـاريـب
والكـل منهـن يـوم تفطـن صعيـبـه=والكـل منهـن يلحقـنـك مشاعـيـب
الضيـف ضيـف الله وصابـه حبيبـه=استقبل ضيفـك فـي تهـل ٍ وترحيـب
قلـط لـه الميسـور وما هـان جيـبـه=واحلف على الماجود ديـن المعازيـب
وخويـك اللـي بالخـلا تبتلـي بــه=خيـال وإلا فـوق عـوج المصالـيـب
أو راجـل (ن) حفـيـان مـالـه نجيـبـه=أو عـورة يبلـي بهـا عالـم الغـيـب
اصبر وراعي الصبـر محمـود طيبـه=عنـد الـذي يبـي الفخـر والمراتيـب
وقصيـرك اللـي ما يصيبـك يصيـبـه=وصابـه الله لا تحسـف بــه الطـيـب
حقـه عليـك تـزود الـقـدر هيـبـه=إلى ما يروح بـزود حشمـة وتوجيـب
وراعي الجدى حـق الـردى ما يصيبـه=ومن لا عرض جنبه على الطعن ما صيب
الشيـوخ والحـكـام زمــل منيـبـه=فيهـم عمـار وقضـي لازم وتخريـب
مـا ينومـن مـن شـأن منهـم حليبـه=عقـب الصداقـة ي***ـب كنـه الذيـب
أهـل خفايـا وغيبهـم مـا دري بــه=يتحدرجـون بـدون عــذر وتذنـيـب
عشرانهـم هــل العـلـوم العجيـبـه=وصدقانهـم مرويـن حـد المغالـيـب
إلى صـار مـا حـدا الثلاثـة تجيبـه=مالك بهـم والـدرب شـرق وتغريـب
خويهـم مـا يشتهـي نفـض جيـبـه=حكـاي وجهيـن يـقـص العراقـيـب
هــذي يـودهـا وهــذي يجيـبـه=وهـذي يسويهـا بصـدق ٍ وتكـذيـب
واللي حكي بيـن الصحيـب وصحيبـه=مخرب ويخرب بين نـاسٍ (ن) وأصاحيـب
وسوالـفـه دايــم نميـمـة وغيـبـه=ولا يستحي من كلمة الكـذب والعيـب
راعـي النقيلـي لا تــوارد قليـبـه=امـوارده مـا يبهـج القلـب ويثـيـب
هـذاك لا تـنـزل جـوانـب شعيـبـه=بالك تحطـه يا أبـو زعـزوع بالجيـب




تحياتي



.




رد مع اقتباس
قديم 11-16-2015, 09:58 PM   #2
عضو جديد


الصورة الرمزية ابوراكان

بيانات اضافيه [ + ]
 رقم العضوية : 15
 تاريخ التسجيل :  Oct 2010
 أخر زيارة : 05-19-2016 (05:35 PM)
 المشاركات : 35 [ + ]
 التقييم :  10
لوني المفضل : Cadetblue
آخر مواضيعي

ابوراكان غير متواجد حالياً

افتراضي رد: قصه وقصيدة محمد الدسم



يعطيك العافية وقصيده جزله وصح لسان قايلها وناقلها


 
 توقيع : ابوراكان

تستطيع أن ترى الصورة بحجمها الطبيعي بعد الضغط عليها


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:44 PM بتوقيت مسقط


Powered by vBulletin® Copyright ©2000 - 2019, Jelsoft Enterprises Ltd. Designed & TranZ By Almuhajir
HêĽм √ 3.1 BY: ! ωαнαм ! © 2010