من الباب للباب

قصيدة موجهه لتركي بن فلحان الصقري

لامن طرى ذكرك وانا بين الاجناب = عديت تاج المرجله فوق راسي
ذكرك ينومسني من الباب للباب = وقتك رخاء والا بغى الوقت قاسي
مجّودٍ حبل المراجل بمقضاب = لك المنصه فوق كل الكراسي
لجلك ترى الخدرات حطٍ الاخضاب= والشعر فلنّه وزين اللباسي
كله يابن فلحان فعلٍ للاسباب =ياقوى ما جاء لجلكم من حماسي
ما اللومهن كلٍ تبي لبست الكاب= كاب الفخر والعز فيكم رواسي
ومن بعد ذا هذي تقارير بكتاب=تجمعت بعد التجارب براسي
ابثها لجل اتطبب بالاطباب= بثٍ على شرواك يجلي عماسي
ادري جرالك من غثى الوقت دولاب=لكن شربت لدفعها كم كاسي
اشناب لاععدت يطيحن بشناب=وساسٍ بلا تثبيت ماهوب ساسي
ومن لا تحمل للخوي كل ماجاب=وش فايدة معتامهم كل اماسي
ويضيع حقٍ ماتقفاه طلاب= وارض الوخم ماهيب مثل المساسي
وعزوه بلا جهال ماهيب تنهاب=ومن لا يهاب الله حياته نكاسي
ومن لا قطف في صافي الوقت ماطاب= يندم ليا جابه عجاج وعماسي
ويقطع خويٍ لا ومنته كما الدآب=زحفه تموّج يزعم انه سياسي
يضحك بنآب ويلدغ الشين في نآب=هذي حياته ياعساه الطماسي
يزوم في عينك وياسرع ماذاب=يقصر عن الهقوى وعلمه طفاسي
وبعض العرب وان غاب عده فلا غاب=فعله ينوب بغيبته بالكراسي
دلوه مدلا للجزيلات جذاب=شيد على نبوع المكارم مراسي
يصطي على نفسه ولاهوب مرتاب=ينسى ويدمح لو ما غيره بناسي
يسبر بعين الحر من فوق مرقاب=واليا لمح جزله يجيه اللتماسي
ثم غز فيها بعد الاهوآي مخلاب=من عادته لاهوى يجيك متواسي
وختامها من قبل لا اقفل الباب=هذا من الي دار في وسط راسي

صح لسانك يابن شداد
على هذه القصيده الرائعه
وابو متعب يستاهل العلوم الطيبه والسمعه الطيبه

لاخلاء ولاعدم

صح لسانك يا بن شداد والممدوح يستاهل المدح

رد تركي بن فتحان على قصيدة ابراهيم بن شداد

سـرياقلم واكتب من الراس ماطاب=من خاطـــــرن رايق ولابه عـــمـاسي
اكتب جزيل الهرج والقاف ماشاب=واحـرص ترى الجـزلات شين اسـاسي
ومن بعــدهاحييت واهـلين ياكتاب=حــيه وحــــي اللي نظـمهـــا عــــلاسي
والله يكافـــــيـنا شــــنا كل شـــذاب=اهــــل الـقــلوب المبغضات النجــاسي
ضعاف النفوس معكرت صفوالاصحاب=اهــل النمايم والحكـي والـبـلاسي
اللي يعــدون الــمراجــل بالالــقـاب=ولــهــل الـنـقـاط اللي عــددهاسـداسي
وانته ومـن مثلك للا مجاد كــسـاب=طـيـبـه ثبت مـثـل الجــبــال الــرواسي
والطيب وهبات الولي حــظ من طاب=ماوخــذ بالــقـوه وطـول الحــساسي
والله يجملنا مــــع اجـناب اقـــراب=لاعـدو اهــل الطيب واهـل الخـــساسي
وانااعـتبرمدحـتـك تقـدير واعجـاب=واشــكرلك شعـورك بصادق حــساسي
اللي لجـــزلات الطـــواريق لـعاب=جـزيل بالـمعنى وشعـره حـــمـــاســـي
وانا احـمـدالله يـوم انا وانته اقــراب=يافـزعـــة اللي مــن ظـــروفه يقاسي

تركي

تحياتي

صح لسانك يا بن فلحان على هالقصيدة الطييبة وفالك المليون

. . .

صح اللسانكـ يابن شداد

جزل ونبع الجزاله براسكـ

ويستاهل ابو متعب ولاهان منطوقه

ردهـ وافي وصح اللسانك يابو متعب

وانا احمدالله يوم انا وانته اقراب ،، يافزعة اللي من ظروفه يقاسي

انا اشهد

دمتم كما انتم

الى الامام الى القمم

صحة السنتكم يابن شداد وأبو متعب

أبيات جزله ولا فيها كلام

ويستاهل أبو متعب

لاهنت ع الطرح يابن شداد

تقبل مروري .. والله يعافيك

تحياتي

الله يعآإفيك قصيدة جزله ...