طاف السبوع
طاف السبوع
ياشيخ جعل ادياركم ريف ورجوع=لايا بعد هاك البلاد وعشيشه بلاد مال من هل المال منزوع=وضافي على النزل المطرف طشيشه طاف السبوع وطاف شهرين وسبوع=والفرخ فرخ العش ماضف ريشه مدري البلا حلقه عن الزاد ممنوع=ولا ان زاده من عجم تمر بيشه يقطعك يادنيا شقاها مية نوع =لو صافحت معها النوايا غشيشه رجالن ابعد عنه من حبة الكوع=ورجال تقربله على كيف طيشه ولو الجدا سد الرمق ساعة الجوع=خالك رب معتنن بالمعيشه لكن نبي صرح من المجد مرفوع=بالجاه واكرام النفوس الهشيشه والمال والمنصب بلا قلب وضلوع=عرجون عذق يابسن وسط هيشه وكبر البشوت اللي على غير منفوع =يغنيك عنها بالشتاء لبس خيشه وممشاك يالرجال غصب بلا طوع=حياة كلب رأس ماله هريشه لياصرت تابع وأنت منته بمتبوع=وهدفك جمع المال بئس المعيشة ون كان مال الرجل فالنعم مشروع=قله لايتعب في رجا الزاد جيشه القطو ماماتو عياله من الجوع=يعيشهم لو من عظام الوليشه غلاب الثبيتي . |
الساعة الآن 07:51 PM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون