كل مامنا تمام
والله انا والله انا يالنشاما والله انا=والله انا حايزين المجد وعلومٍ عظام انشدو كل القبايل وين كانو وين كنّا=انشدو التاريخ عنّا من بغى صدق الكلام من قرأ التاريخ يلقا مصدره قد كان منّا=فالبدايه والنهايه قاضبينٍ للخطام البقا لاخوان بتلا من عطاهم مايثنا =البقا لشيوخنا اللي كل مامنهم تمام والله انا فالحقيقه ياقبايل ما اشتحنا=في ذرا شيخاننا بعد الولي لنا السنام وايلي والوايلي ماغيرها والله تمنّا=ما ابخس حقوق القبايل مير حنّا للجسام قد ملين القاع بفعولٍ حكاها القوم عنّا=قد كسبنا من جزيلات الوفا عين الوسام والله ان نبعث وحنا متعبين اظهورهنا=في طلب شم المعالي لوعلى سطح الغمام اللعبي يابنت فلي شعرك الويلان حنا=من كسر فارس على كبره بيوم الاحتدام لعبت الدحه لنا وانّا لها لاما لفنّا=الجموع اللي نشتتها بضربات الحسام منثنين لديننا ثم لملكنا ولوطنّا=دونهن نبذل ونبذل لو على الرّوح السلام والعطا لما عطينا بالعطا لا ما نمّنّا=نطلب الله لا عطينا ماعلى الدنيا حطام ولانبيع اللي شرانا ولا نرد اللي تعنّا=والدخيل نقوم في شانه ونوليه اهتمام ويوم صلفات الليالي كشرت عن نابهّنا=صوّت ابن مهيد ياحيّاعلى جزل الطعام وجارنا نرف خماله لو علينا قد تجنّا=قالها الصقري بمنظومه كما العقد التمام وحاكم العثمان يعرف من خذينا في رهنّا=قيّدوه اخوان بقشلجل شيخانٍ حشام لو اعد ولو اعد فعولنا ما يحصرنّا=من قديم الوقت ولاهالحين وحنا بالأمام ما انّتثنّا لو يجورالوقت والله ما أنّتثنّا=بخطوة الماضين ممشانا بهمه وانتظام وبالزمن هذا لنا فعولٍ تتوج ما مظنّّا=ندحم رجالاً تداحمنا بطنخه واحترام يوم ابن صايل بدا ياربعنا في روسهنا=وصاح بجموع المشايخ والله انا مانضام كان ياشمر ظناكم صارت امه له تحنّا=ادرو ان عيالنا وايل بتفديهم شمام ما نلوم الترفه اللي فلة الشّعر وتحنّا=ذي مواقيف الرجال اللي تنومس بالزحام الهقاوي يبعد الطيب لربعه شبحهنّا=الحياه بعز والا ياعسى بمترين خام وختمها نبعث وحنا متعبين اظهورهنا=في طلب شم المعالي لو على سطح الغمام ابراهيم بن شداد الصقري . |
الساعة الآن 12:25 AM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون