قصيده مختاره

العز مطلب والمراجل توافيق=والهون باب مالنا فيه مدخال
مالي على بعض المواضيع تعليق=واللي تشوف العين مايشرح البال
اصدعن ما يفعلون المخاليق=لاكن ما يخفى على الله مثقال
وان شفت بيبان السعادة مغاليق=الصبر مفتاح على كل الاقفال
واذا لحقني من زماني ملاحيق=ازبن على منزل تبارك والانفال
الفقر ما عاب الرجال المطاليق =كما يعيب المال عبادة المال
جيل المصالح ينقضون المواثيق=والجيل الاول فرق عن كل الاجيال
عاشو على شده وعاشوعلى ضيق=لاكن صارو للشيم مضرب أمثال
الجود ما يبغى دعايه وتسويق =الجود بالافعال ما هو بالاقوال
الكنز ما هو بالذهب في الصناديق=الكنز معرفة الرياجيل الابطال

روعه والاروع اخر بيت اعجبني بقوه ، اشكرك قصيده ذوق استمتعنا بقراءتها

مرحبا ومسهلا اللي يعجبكم هو الزين بارك الله فيك

يامرحبا وأعداد مالاحت بـروق
ترحيبة المؤمن بحكم الشريعه






ياطيّب الـجدّآن مـن جذر وعروق
افعآلهم گل الخلآيق تـذيعه




مساگم الله بالخير💐💐

تسلم اخوي ع الرد الطيب ، ماودگ تعطينا قصيدة عن هالأجواء الزينه 😊

يامرحبا وأعداد مالاحت بـروق
ترحيبة المؤمن بحكم الشريعه

السلام عليكم ورحمة الله وبركاتة
المعذره جنون أنثى مارديت عليك لعدم دخولي للموقع فترة طويله