مرزوق هيض هواجيسي

هذه القصيده للشاعر الكبير / غلاب بن ود الثبيتي

مجاراه للشاعر / مرزوق الثبيتي

مرزوق هيض هواجيسي وسراها=كنه مايرتاح لين أنه ايسريني
أوحا البنادق تثور وقال وش جاها=والرمي مخطيه وأنا الرمي مخطيني
ناس لشقر العصا تشعب مطاياها=وتدور التفرقه مابين الأخويني
أبليس بالشين يامرها وينهاها=الله يلعن بليس أبو الشياطيني
وقام أيتذكر أعصورا قد نسيناها=بنا عليها الزمان وجوره الشيني
يوم الحناجر تكض الغيض بملاها=والجمع له شيخ مال الجمع شيخيني
والنار قدام راع النار يشعاها=ينشد عن أقصا الجماعه قبل الأدنيني
وسحم الضواري تحوف النزل بعواها=وبنت الردي من حلايل راعي الضيني
وصم الرمك من حفاها تقرع أحذاها=ومن طاح طاح وتعشاه السراحيني
واليوم نلبس بشوت ماشريناها=تجي هدايا من عيال السلاطيني
ونسكن بيوت ترانا مابنيناها=وناكل ونشرب ونلبس لبسناالزيني
وليا بغينا لوازمنا قضيناها=ونصلي الفرض من ضمن المصليني
في ظل حكامنا اللي لا عدمناها=هل المناصيب والختم أبو وجهيني
الماضيه يابو تركي لاتمناها=فكر بوقتك وسدالدين بالديني
مخذت عبره من أيام قضيناها=مضمونها يابو تركي بين قوسيني
ياكثر هل البشوت أللي حسبناها=اربع وخمسين أو خمسه وخمسيني
لكن يوم الليالي شان مسراها=وضاقت على أثبيت زعب مع الشيابيني
أبشوتنا اللي حسبنا مالقيناها=وصحنا لفيحان زيزوم الرباعيني
وعزلله أنه فزع لثبيت وأرضاها=بالجاه والشيك أبو عشرة ملاييني
عشره وسبعه دفعها ماتغالاها=هذاه غار الوظايف والمساجيني
تسعين روقي ولد تركي تبناها=منها نسميه فيحان أبو تسعيني
طلع هو الشيخ والشيخه بمعناها=يومالشيوخ أطلعو فقرا مساكيني
أمجامل الضايعه مانيب شرواها=خطية كيف ترض الله وترضيني
ونهاية أخبارنا ياللي تحراها=مثل وحكمه وخذها كان توحيني
الخيط مايركز والعين معماها=الا كثر كحلها من وارد الصيني
والناس لو يزعل أقصاها مع أدناها=من هرجة الحق ماتخلف قوانيني

منقول

صح لسان الشاعر غلاب الثبيتي والنعم والله
ولايهون مرزوق الثبيتي

لاهنت اخوي المجروح على ال***


تقبل مروري و تحياتي للجميع

اشكركـ اخوي رفيع الشأأأأن
لمرورك لمتصفحي
ولاهنت

تحياتي

ونـهــايــة أخـبــارنــا يـالــلــي تــحــراهــامـثـل وحـكـمـه وخـذهــا كـــان توحـيـنـي
الـخــيــط مـايــركــز والــعــيــن مـعـمــاهــاالا كــثــر كـحـلـهـا مـــــن وارد الـصـيـنــي
والنـاس لـو يـزعـل أقصـاهـا مــع أدنـاهـامــن هـرجـة الـحــق ماتـخـلـف قوانـيـنـي




قصيدة جزلهـ من وجهنْ جزل ، لآهنت يَ المجروح ع ***ْ القصيدَه يَ الغلآ ~