|
#1
|
||||||||||
|
||||||||||
جاله بقلبي مداهيل
لا اقبل ظلام الليل ماليلي بليل=ولألي جدا ياكود جرّ المواويل يدي تحت خدي وفكري جلاوي=يم الذي جاله بقلبي مداهيل أرغم كياني يرتبط في كيانه=من عقب مامريت لحسابه مخيل وخايلة عنوناً شرح لي بانه=ماله هدف ياكود قصد التعاليل وانا بعد كان الهدف من دخولي=مثله ولابه زود علمً وتفصيل وكبر في عيني والحقيقة حقيقة=حلفت ماضمّه ولا عاله بخيل وبدعت من حيني لمدحه قصيدة=وتوجتها بإحلا حروف التباجيل وأظهرت أنا إعجابي بها في قصيدي=واني على البيضاء ولا يمكن اميل وعن الدروب الواطئة شمت نفسي=وعلى المكارم نفسي اسبق من الخيل هذي البداية كل واحد بحاله=كما علاقة نجمة الجدي بسهيل فيها الوفاء والصدق والمقدريّه=كلٍ يسوق لصاحبه ندّر القيّل والظن جالي مثل ماجاله الظن=أنه يبدلبي لما احتاج تبديل وإلقاء وهو يلقى صحيبٍ بدالي=من دون مانبدي لذا الفعل تعليل وفجأة تبين دون علمي وعلمه=إن القلوب اتسابقت بالمراسيل بالذبذبات المرهفه تم الإرسال =اسرع من إرسال الملّف عبر الًايميل واصبح رهيني مثل ماني رهينه=كلاً حبل له صاحبه بالمحابيل شرح ظروفه بعد شرحي ظروفي=والحب مثل السيل ماقْدْمه يشيل وصرت أفقده لاغاب عني دقائق=واحتاج له حاجة هل الزرع للسيل وحبي لداره قبلها حب ربعه=طغى على قلبي بكل المكائيل لامر طيفه في خيالي وفكري=ماغبط من ملكه على ضفة النيل وكني من الفرحه لمسة السحابه=ودنياي في عيني تولّع قناديل ولامر بي اسمً يخصه ويعنيه=تفضحني الفرحه وقوى التهاليل لا واهنيي كان قربه حصلي=ابو العيون الفاتنات المضاليل كنت احسبً الحب كلمه وتنقال=ولاكنت اظن الشوق يبرئ الرياجيل واللي جعل حبه بقلبي ماخونه=ولاذلل الصعبات لرضاه تذليل وخاتمها فالليل ما ليلي بليل=ولالي جدا ياكود جر المواويل يدي تحت خدي وفكري جلاوي=يم الذي جاله بقلبي مداهيل ابن شداد . |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|