أعتذار صريح

((أعتذار صريح ))
عما يردد فالمجالس من أن هناك قضية جدل وعتاب بيني وبين عوازم الروقه سواء بالشعر أو بالكلام فأقول هذا الكلام غير صحيح فهم أبناء عمومتي مسبتهم مسبة لي ومديحتهم مديحة لي ولكن حبيب لايمثل العوازم ككل وهوخصمي في قناة المرقاب ومسابقة شاعر الملك وهو المقصود مثله مثل غيره وأستبيحكم عذرا

يامروجين الهرج بين الدواوين=وموصلين العلم علم حلياه
ألله خلق من طينة إدم شياطين=مهو غريب تقول قولن ماقلناه
ونا من أتباع النبي وأعرف الدين=وأخاف ربي والقبيح أتحاشاه
وشلون أباطعن في عروض المقفين= والقبر قدمي والمحاسب قفياه
حظي بري وأخاف رب المصلين= اللي يصلون المخاليق لرضاه
وغوازم الروقه حشام وعزيزين=مهفي لهم مذهب ولاهفي لهم جاه
من روس روق أمطوعين السلا طين=ليا ثارة الهيجا نهار المثاراه
ليا صاح صياح البرا واللغا شين=فيهم نعاتيت الرجال المسماه
أهل كرم وأهل شجاعه وظفرين=ومن روق مافالعازميه مراواه
تاج على راسي واحشم الحشيمين= لكن حبيب هاتمه فعل يمناه
خصيمي اللي يدرق بين ضلعين=وملقين علم المواجيب علباه
لامذهب طيب ولا منطقن زين=ولاله جميل فالأجانيب يرفاه
ماهمته سمعة قبيله أواشين=ماهمه ألا البطن وشلون يملاه
لكن قولو له ترانا مقيمين=ولابد مايلقا ضعنا ونلقاه
شاعر ونا شاعر وأعرف القوانين=وأحاسب المخطي بموجب خطاياه
ومن ضاق من سب الردي بارد العين=بكره مع الأيام تبرك مطاياه

غلاب الثبيتي

يعطيك العآفيه ، وصصصح إلسآن الشآعر .